🔎 銅鑼灣恩平道42號亨利中心12樓
*
📍 鮨秀
.
前菜
幾特別嘅小前菜,有牛舌,栗米,素翅.特別鍾意個栗米,初初見佢比較白,以為唔多甜.估唔到食落又甜又有清新口感.唔錯唔錯.
刺身
刺身都相當豐富,左口魚我特別推介.油脂飽滿,每啖食落都超級滿足.帶子迷更加唔可以錯過佢嘅帶子,大粒之餘仲非常厚肉,仲會配埋黑松露,第一次係呢個食法.原來口感都唔錯.
深海池魚非常厚切,肉質好爽.食落非常新鮮,新鮮刺身的確好重要.另外,拖羅嘅食法我都非常推介.連埋紫菜食有種fresh感覺.加上入口即溶,食完都忍唔住同師博講好正!
壽司
朋友好鍾意食赤貝,佢大讚超級新鮮,比係日本更加新鮮鮮甜,加上飯粒軟身食落真係要大讚.當然唔可以錯過我最鍾意食嘅海膽,師博技術了得,將海膽疊得非常高,佢話一定要成啖食先夠滋味.海膽絕對係入口即溶,超鮮甜.
金目鯛平日自己比較小機會食到,但都係好新鮮,又唔會覺得腥.
日本料理
熱食方面都唔差,首先有燒魔鬼魚翅,起初朋友都怕會唔會太多骨,點知輕輕一整D魚骨都拆哂落嚟.簡單易食.另外,仲有西京魚,平日係日式餐廳見到有西京魚都會揀,呢到都做得幾好,個西京醬唔會太甜.不論刺身壽司定熱食,餐廳都係高品質,絕不馬虎,真心食得好滿足.
甜品
可以食到日本嘅蜜瓜超級開心.仲加埋cheese cake,全部都係我平日最鍾意嘅生果同甜品.味道真係一流.而且唔會太甜,剛剛好.不論各款式食物都好出色,價錢公道,真係超級超級飽咁走,而且店內職員非常體貼有禮.
#entrycausewaybay @ 鮨秀 Sushi Shuu
Search